“ЖЫВОЕ СЛОВА” Ў ЗАВОССІ

У Завоссі знаходзіцца музей-сядзіба Адама Міцкевіча. І сёлета там сабраліся пісьменнікі, літаратуразнаўцы, перакладчыкі твораў вядомага беларускага і польскага паэта. У Завоссі дзейнічаў кірмаш рамесных вырабаў, а таксама адбыўся канцэрт, падчас якога для мясцовых жыхароў і гасцей фестывалю выступілі сучасныя беларускія паэты Серж Мінскевіч, Ніна Лістота, Цімур Буйко, а таксама фальклорныя калектывы Баранавіцкага раёна.

Кіраўнікі тэатра “Жывое слова” Алеся Сівохіна і Алесь Мойскі падрыхтавалі ліатаратурна-музычную кампазіцыю, прысвечаную Адаму Міцкевічу. У ёй прагучалі вершы паэта “Сон” і “Няўпэўненасць”, урывак з паэмы “Пан Тадэвуш”, а таксама песні на творы А. Міцкевіча. Рэжысёры тэатра наладзілі творчыя сувязі з філіяламі музея гісторыі беларускай літаратуры і адміністрацыяй Баранавіцкага раёна, а таксама паглыбілі свае звесткі пра творчасць і радавод геніяльнага паэта.