WI-FIНа пасяджэнні прысутнічалі намеснікі дэканаў факультэтаў і намеснікі дырэктараў інстытутаў па вучэбнай рабоце, загадчыкі кафедраў.
А.І.Жук адзначыў, што пашырэнне сеткі філіялаў кафедраў ва ўстановах адукацыі розных тыпаў і максімальнае выкарыстанне іх патэнцыялу для арганізацыі і правядзення вучэбных заняткаў, вучэбных і вытворчых практык студэнтаў, у якасці эксперыментальных і інавацыйных пляцовак для СНДЛ, правядзення навукова-даследчай і даследча-эксперыментальнай работы забяспечвае практыкаарыентаваную падрыхтоўку студэнтаў.
З асноўным дакладам выступіў прарэктар па вучэбнай рабоце Аляксандр Васільевіч Макоўчык. Дакладчык адзначыў, што на базе розных устаноў адукацыі і сацыяльнай сферы функцыянуюць 49 філіялаў кафедраў, з іх у 13 філіялах адкрыты профільныя класы педагагічнай накіраванасці.
У апошнія гады прасочваецца ўстойлівая дынаміка павелічэння колькасці студэнтаў, якія прайшлі вучэбную і вытворчую практыкі на базе філіялаў кафедраў.
У 2022/2023 навучальным годзе колькасць праведзеных вучэбных заняткаў на базах філіялаў кафедраў павялічылася на 21% у параўнанні з папярэднім навучальным годам.
Філіялы кафедраў актыўна выкарыстоўваюцца ў якасці пляцовак для выканання курсавых работ, правядзення даследаванняў па тэмах дыпломных работ. Зараз больш за 30% дыпломных работ выконваюцца па заяўках арганізацый – заказчыкаў кадраў.
Вынікамі сумеснай навукова-даследчай работы прадстаўнікоў філіялаў кафедраў і прафесарска-выкладчыцкага складу БДПУ з’яўляюцца сумесныя публікацыі. Вядучыя пазіцыі па гэтым паказчыку на працягу апошніх трох гадоў займаюць Інстытут інклюзіўнай адукацыі і Інстытут псіхалогіі (каля 30 сумесных публікацый у год).
Павышэнню эфектыўнасці работы філіялаў кафедраў спрыяе арганізацыя сумесных мерапрыемстваў (круглыя сталы, канферэнцыі, семінары, вебінары і інш.), якія праводзяцца як на базе БДПУ, так і на базе філіялаў кафедраў (у І семестры бягучага года праведзена 345 сумесных мерапрыемстваў).
А.В.Макоўчык падкрэсліў, што філіялы кафедраў актыўна задзейнічаны не толькі ў арганізацыі адукацыйнага працэсу і навукова-даследчай работы (студэнтаў, педагагічных работнікаў і ПВС), але і з’яўляюцца ўнікальнай адукацыйнай пляцоўкай, якая спрыяе ранняму пагружэнню будучых педагогаў у прафесійнае асяроддзе і фарміраванню даследчыцкіх кампетэнцый.
Поўны тэкст пастановы будзе накіраваны ва ўсе структурныя падраздзяленні ўніверсітэта.
