WI-FI14 верасня адбудзецца сустрэча студэнтаў з беларускімі паэтамі і пісьменнікамі; прэзентацыя калектыўнага зборніка «Сябрына» МАА СПБ. 15 верасня на філалагічным факультэце адбудзецца конкурс чытальнікаў «Роднаму слову – прызнанне ў любові». Да ўдзелу ў конкурсе запрашаюцца не толькі студэнты БДПУ, але і вучні ўстаноў агульнай сярэдняй адукацыі. Для чытання прапануюцца вершы класікаў беларускай літаратуры Янкі Купалы, Якуба Коласа, Максіма Танка, юбілеі якіх прыпадаюць на Год гістарычнай памяці, а таксама творы сучасных беларускіх і рускіх паэтаў.
16 верасня на філалагічным факультэце БДПУ адбудзецца ХІІІ Міжнародная навуковая канферэнцыя «Танкаўскія чытанні», прымеркаваная не толькі да 110-годдзя з дня нараджэння класіка беларускай літаратуры, імя якога носіць вядучы педагагічны ўніверсітэт краіны, і да Дня народная адзінства. Плануецца работа пяці секцый, на якіх заяўлена больш за 100 удзельнікаў з Беларусі, Расіі, Кітая, Украіны, Ірака, якія будуць працаваць у вочным і завочным фарматах. Традыцыйна ў межах канферэнцыі выступяць маладыя даследчыкі з розных гарадоў Беларусі, а таксама настаўнікі беларускай і рускай моў і літаратур.
У Дзень народнага адзінства, 17 верасня, будзе праводзіцца дыктоўка. Мэта дыктоўкі – папулярызацыя беларускай мовы, здабыткаў нацыянальнай культуры, фарміраванне патрыятызму, высокага пачуцця грамадзянскага абавязку.
Дыктаваць тэкст будзе дацэнт кафедры мовазнаўства і лінгвадыдактыкі БДПУ Вольга Валянцінаўна Урбан. Трансляцыя дыктоўкі будзе ажыццяўляцца на афіцыйным YouTube-канале БДПУ. Да ўдзелу праз анлайн-трансляцыю запрашаюцца школьнікі, студэнты, супрацоўнікі вышэйшых навучальных устаноў і ўсе жадаючыя. Па заканчэнні дыктоўкі арыгінальны тэкст будзе размешчаны на слайдзе, усе ўдзельнікі змогуць самастойна праверыць узровень сваіх ведаў.
Акрамя таго, у БДПУ працуюць выстава вучэбнай літаратуры па беларускай мове «Сэрцам роднага слова краніся» і выстава-экспазіцыя «І над будучыняй нашай песня матчына звініць».
