WI-FIСтудэнты і выкладчыкі БДПУ разам напісалі дыктоўку, якую правяла дацэнт кафедры мовазнаўства і лінгвадыдактыкі Таццяна Яўгенаўна Старасценка. Дыктоўка «Роднае слова» была складзена паводле тэксту вядомага беларускага мовазнаўцы Аляксандра Крывіцкага. Па яе заканчэнні ўсе змаглі праверыць і самастойна ацаніць уласныя веды па роднай мове.
На філалагічным факультэце прайшлі тэматычныя куратарскія гадзіны, прысвечаныя Дню роднай мовы. Прафесар кафедры мовазнаўства і лінгвадыдактыкі Наталля Уладзіміраўна Чайка для беларускіх і замежных студэнтаў чацвёртага курса наладзіла круглы стол на тэму “Беларускія, кітайскія і туркменскія лінгвакультурныя паралелі: гісторыя і сучасны стан”. Першакурснікі праверылі свае веды ў тэматычнай віктарыне, падрыхтаванай дацэнтам кафедры беларускай і замежнай літаратуры Наталляй Віктараўнай Заяц.
З нагоды Дня роднай мовы на філфак запрасілі даўніх сяброў з сацыяльна-працоўных майстэрняў Беларускай асацыяцыі дапамогі дзецям-інвалідам і маладым інвалідам Кастрычніцкага раёна г. Мінска. Для іх валанцёры клуба «Вандроўнікі з Альбарутэніі» арганізавалі свята «Дзень роднай мовы разам з БДПУ». Праз гульню «Смак беларускай мовы» да свята змаглі далучыцца і студэнты Бакінскага славянскага ўніверсітэта (Рэспубліка Азербайджан), якія вывучаюць беларускую мову пад кіраўніцтвам кандыдыта філалагічных навук Вольгі Міхайлаўны Лухверчык.
У Міжнародны дзень роднай мовы факультет пачатковай адукацыі прымаў гасцей – узорны фальклорны калектыў «Рудабельскія зорачкі», з якім студэнты пазнаёміліся і пасябравалі ў 58-м Зорным паходзе. Таксама сярод гасцей – дырэктар Акцябрскай раённай гімназіі Аляксандр Анатольевіч Шульц і намеснік дырэктара Андрэй Васільевіч Кадол. Акрамя таго, удзельнікі калектыву «Рудабельскія зорачкі» правялі майстар-клас па народных танцах.
Студэнты Інстытута інклюзіўнай адукацыі і Інстытута псіхалогіі БДПУ сустрэліся з членам Мінскага абласнога аддзялення Саюза пісьменнікаў Беларусі Нупрэйчык Галінай Іосіфаўнай і кіраўніком народнага клуба кампазітараў і паэтаў «Жывіца» Карнаухавай Ірынай Аляксандраўнай у межах святкавання Дня роднай мовы. На сустрэчы прагучалі вершы пра каханне, вясну, прыроду, родны край. Таксама ў гэты дзень прайшла інфармацыйная акцыя студсавета да Дня роднай мовы.
На факультэце дашкольнай адукацыі працавала тэматычная фотазона для студэнтаў і работнікаў, якую правёў студсавет факультэта. Для студэнтаў пройдзе спектакль батлеечнага тэатра факультэта «Людзей слухай, а свой розум май».
На фізіка-матэматычным факультэце правялі віктарыну і адукацыйны квэст на веданне і валодання роднай мовы.
