Рэйтынгавая кантрольная работа № 1 

Рэкамендацыі да падрыхтоўкі

Кантрольная работа праводзіцца па наступных тэмах:

• Сутнасць літаратурнай крытыкі.
• Метадалагічныя прынцыпы літаратурнай крытыкі.
• Жанры літаратурнай крытыкі.
• Беларуская літаратурная крытыка: ад вытокаў да канца ХІХ стагоддзя

Кантрольная работа складаецца з дзвюх частак: першая частка тэарэтычныя –  разгорнуты адказ на пытанне, другая частка практычная – прымяненне ведаў на практыцы.

Студэнтам неабходна ведаць:

• гісторыю зараджэння літаратурна-крытычнай думкі ў эпоху Антычнасці ;
• падыходы да вызначэння сутнасці літаратурнай крытыкі;
• тыпы літаратурнай крытыкі;
• жанравыя формы літаратурнай крытыкі, іх характарыстыку, а таксама прынцыпы размежавання жанраў, якія выкарыстоўваюцца ў навуцы;
• літаратуразнаўчыя метады і прынцыпы аналізу мастацкага твора, якімі карыстаецца прафесійная крытыка;
• гісторыю развіцця літаратурна-крытычнай думкі на Беларусі (ад вытокаў да канца ХІХ стагоддзя): формы яе функцыянавання, імёны, назвы, звязаныя з рухам літаратурна-крытычнай думкі і інш.

Студэнтам неабходна умець:

• вызначаць жанр літаратурна-крытычнага матэрыялу;
• вызначаць метад і прынцып ацэнкі і аналізу мастацкага твора ў літаратурна-крытычным матэрыяле.

Як будзе ацэньвацца работа:

Пры ацэнцы тэарэтычнай часткі будуць улічаны правільнасць, паўната, глыбіня адказу, уменне самастойна фармуляваць і стылёва афармляць думку, а таксама аб’ём адказу не менш 1 старонкі адфармаціраванага тэксту (14 шрыфт, інтэрвал 1,5, тэкст выраўнены па шырыні, абзац 1,25).

Пры ацэнцы практычнай часткі  будзе ўлічана не толькі правільнасць адказу, але і ўменне яго аргументаваць.

Максімальны бал – 10.