Шырокiя прасторы беларускай зямлi, сярод якiх прайшлi дзiцячыя i юнацкiя гады будучага пiсьменнiка рана абудзiлi ў iм фантазiю. Ён засвоiў невычарпальныя скарбы жывога беларускага слова, падслуханага ў дзяцiнстве на родных палетках, ад казак i легенд, пачутых на начлезе, на рыбалцы, на Нёмане, ад песень жней i плытнiкаў. Пейзажны дыяпазон ранняй лiрыкi Я. Коласа пазначаны суб’ектыўна-асабiстым тонам i своеасаблiвай музыкай верша.

Уладзімір Жылка – паэт-рамантык, выводзіў нашу беларускую літаратуру да еўрапейскага гучання і значэння, далучыў яе да тых праблем, якімі жыла сусветная культура. Творчасць У.Жылкі стала значным дасягненнем беларускай паэзіі. Творы яго з самага пачатку былі прасякнуты пафасам высокіх ідэалаў і пачуццём духоўнасці. Ужо ў пачатковы віленскі перыяд словы цесна зрастаюцца з вобразамі ў такіх творах як “Беларусь”, “Віхор”, “Палімпсест”, напаўняючы іх пачуццём абавязку перад народам, пачуццём патрыятызму