Нарадзілася 24.01.1960 г. у горадзе Мінску ў сям’і служачых.

У 1982 г. закончыла Беларускі дзяржаўны ўніверсітэт па спецыяльнасці “Беларуская мова і літаратура. Руская мова і літаратура”. З 1982 па 1985 г. праходзіла навучанне ў аспірантуры Інстытута літаратуры імя Янкі Купалы АН БССР. У 1987 г. абараніла кандыдацкую дысертацыю на тэму “Праблемы ўзаемаадносінаў чалавека і прыроды ў сучаснай беларускай прозе (І. Пташнікаў, В. Казько, В. Карамазаў)”. З’яўляецца аўтарам больш чым 60 навуковых прац. З 1993 г. працуе на кафедры беларускай літаратуры (цяпер – беларускай літаратуры і культуры) на пасадзе дацэнта. Удзельнічала ў распрацоўцы навуковых тэм “Тыпалогія літаратурнага працэсу ў Беларусі ў сістэме новых педагагічных тэхналогій”, “Беларуская і сусветная літаратура ў сістэме міжкультурных камунікацый”. Уваходзіла ў склад аргкамітэта па падрыхтоўцы і правядзенні навуковых канферэнцый “Танкаўскія чытанні” (2008, 2010).

Навуковыя інтарэсы: маральна-філасофскія праблемы сучаснай беларускай прозы; функцыянальнасць пейзажных апісанняў у беларускай літаратуры.