Статьи по тегу "курсовая"

Пімен Панчанка (1917 – 1995) Пімен Панчанка – пясняр высокага гуманізму, шчыры абаронца духоўнасці і маральнасці жыцця. Аднак ён не толькі паэт-грамадзянін, але і паэт-лірык, удумны філосаф. Паэзія Панчанкі спалучае ў сабе грамадзянска-публіцыстычны, эмацыянальна-тэмпераментны пафас выказвання і пранікнёны, глыбокі лірызм слова. Сутнасць творчага самавызначэння паэта можна выказаць радкамі з верша “Паэзія”: “Паэзія – гэта пакута і радасць, праклён і бязлітасць, споведзь і годнасць”. Найвышэйшыя яго ідэалы – праўда, сумленнасць, чалавечнасць. Для паэта характэрна жывая, балючая далучанасць да чалавечых і жыццёвых праблем сучаснага жыцця. Светапогляд Панчанкі прайшоў значную эвалюцыю, ён уключае пераасэнсаванне набытага вопыту за жыццё.