Судовая рэформа 1864 г. па праву лічыцца самай паслядоўнай па сваёй накіраванасці на буржуазную трансфармацыю грамадства з усіх рэформ, якія былі праведзены ў Расійскай імперыі ў 60–70-х гг. ХІХ ст. Сістэма правасуддзя, у падмурку якой ляжалі судовыя статуты ад 20 лістапада 1864 г. разам з такімі іх прынцыпамі, як усесаслоўнасць, аддзяленне суда ад адміністрацыйнай улады, нязменнасць суддзяў, выбарнасць часткі судовых органаў, галоснасць, вуснасць і спаборнасць з’яўлялася буйным крокам наперад на шляху мадэрнізацыі краіны, нават нягледзячы на контррэформы, якія адбыліся неўзабаве. Галоўнай перадумовай рэформы стала крайняя недасканаласць дарэформеннай судовай сістэмы Расійскай імперыі і яе неадпаведнасць умовам станаўлення і развіцця капіталістычнага грамадства. Аднак на тэрыторыі Беларусі па палітычных матывах судовая рэформа 1864 г. была паэтапна ўведзена толькі ў 1872 і 1883 гг., прычым у значна абмежаваным выглядзе.

Поўны тэкст даступны ў Рэпазіторыі БДПУ.