RSSВывучэнне судовых органаў у мінулым стварае ўмовы выкарыстання гістарычнага вопыту пры правядзенні мерапрыемстваў па ўдасканеленні правасуддзя на сучасным этапе. Акрамя таго, гэта дазваляе ў больш поўнай ступені рэканструяваць гістарычную рэчаіснасць адпаведнай эпохі, бо суды заўсёды займалі важнае месца ў жыцці грамадства. Да 1990-х гг. праблема судовай сістэмы на тэрыторыі Беларусі ў канцы XVIII – першай палове ХІХ ст. знайшла даволі шырокае адлюстраванне у працах гістарычнага і гісторыка-прававога характару. Аднак некаторыя яе аспекты, па-першае, засталіся недастаткова раскрытымі альбо ўвогуле неасветленымі, па-другое, атрымалі ў папярэдні перыяд супярэчлівыя трактоўкі і ацэнкі. Гэта абумовіла неабходнасць далейшай распрацоўкі дадзенай праблемы.
У 1990-х – пачатку 2000-х гг. з’явілася некалькі прац прысвечаных непасрэдна тэме судовых органаў на тэрыторыі Беларусі ў канцы XVIII – першай палове ХІХ ст.
