Верабей – птушка зусім не шкодная, як можна было б падумаць. Сваіх птушанят вераб'і выкормліваюць выключна насякомымі. Вучоныя падлічылі, што адна пара вераб’ёў знішчае на працягу дня каля пяцісот розных шкодных насякомых.

Калі ж вераб’і дзяўбуць часам ягады ці крадуць зерне, то лічыце гэта ўзнагародай ці нават заработнай платай за пільную ахову ўраджаю ад шкоднікаў.

Заданне

1. Абазначыць канчаткі дзеясловаў. Вызначыць спражэнне.

2. Выканаць марфалагічны разбор падкрэсленых дзеясловаў(гл. Дапаможнік “Беларуская мова: аналіз моўных адзінак”).

3. Выпісаць з тэксту дзеяслоў, ужыты  ў форме інфінітыва, вызначыць трыванне, падабраць да яго трывальную пару.

4. У выпісаным  дзеяслове  вызначыць аснову інфінітыва і аснову цяперашняга (простага будучага) часу, утварыць ад гэтых асноў адпаведныя дзеяслоўныя формы.