Факультэт  дашкольнай адукацыі

Год навучання: 2020-2021

Дысцыпліна: Беларуская мова

Курс:  І

Семестр: 1

Форма адукацыі: дзённая

Кантрольная работа № 1

Заданні:

1. Запісаць тэкст пад дыктоўку.
2. Затранскрыбіраваць тэкст.
3. Зрабіць фанетычны аналіз  выдзеленага ў абзацы слова  (І варыянт – першы абзац, ІІ варыянт – другі абзац)
4. Выпісаць з абзаца свайго  варыянта  словы з асіміляцыяй, вызначыць яе від.
5. Выпісаць з абзаца свайго  варыянта   словы, у якіх адлюстраваліся фанетычныя асаблівасці беларускай мовы (аканне, яканне, дзеканне, цеканне, эпентэза, падаўжэнне  зычных, прыстаўныя гукі; афрыкаты, зацвярдзелыя зычныя і інш.).

Праходзілі вякі, адыходзілі ў нябыт пакаленні, знікалі і развальваліся магутныя  імперыі, а кніга – вялікае цуда, створанае чалавечым розумам, – жыла, хвалявала сэрца, абуджала думку, клікала да сацыяльных перамен. Кніга жыватворчым чынам уплывала на грамадства, садзейнічала развіццю навукі і тэхнікі, уваходзіла ў паўсядзённы побыт чалавека. Друкаваная кніжка адкрывала новую старонку ў культурным жыцці народаў, ішла цераз рубяжы і граніцы з адной краіны ў другую, нястомна змагалася са злом і крыўдаю, прыгнётам і эксплуатацыяй.

Гісторыя беларускай кнігі – гэта гісторыя вострай і зацятай нацыянальна-вызваленчай барацьбы беларускага народа за сваё існаванне, за права “людзьмі звацца”, за сваю мову і культуру. За пяць вякоў беларускае друкаванае слова перажыло многае, прайшло нялёгкі і складаны шлях, на якім былі перыяды росквіту і заняпаду, былі светлыя і змрочныя старонкі. Але народ праз усе выпрабаванні і ліхалецце чужаземнага і сацыяльнага ўціску пранёс кнігу – самы дарагі скарб духоўнага жыцця  (С.Александровіч).

Група 290120

Праходзілі вякі, адыходзілі  ў небыццё пакаленні, знікалі носьбіты,  а кніжка як вялікае цуда, створанае чалавечым розумам, як подзвіг геніяў жыла і будзе жыць на ўсе гады.

Група 290220

Гісторыя беларускай кніжкі – гэта вострая і зацятая нацыяналь-вызваленчая  барацьба за сваё існаванне, за маўленчую праўдзівасць, за моладзь і культуру, а таксама за права “людзьмі звацца”.

Група 290320

За пяць вякоў беларуская кніжка як самы дарагі духоўны скарб прайшла нялёгкі перыяд станаўлення і развіцця, росквіту і заняпаду, мела як светлыя, так і змрочныя старонкі.