У лекцыі даюцца асноўныя паняцці дыскурс-аналізу, на матэрыяле выбаркі з тэкстаў навін афіцыйных сайтаў мытных і пагранічных служб Рэспублікі Беларусь, Расійскай Федэрацыі і Злучанага Каралеўства Вялікабрытаніі і Паўночнай Ірландыі аналізуюцца камунікатыўна-прагматычныя характарыстыкі адрасанта і адрасата ў мытным медыядыскурсе. Лекцыя рэкамендуецца студентам-філолагам, магістрантам, аспірантам, якія займаюцца супастаўляльным мовазнаўствам, кагнітывістыкай, дыскурс-аналізам.

Аналізуюцца метафарычныя мадэлі, якія ўжываюцца для намінацыі і характарызацыі эканамічных працэсаў і з’яў у сучасным беларускамоўным публіцыстычным інтэрнэт-дыскурсе. Апісаны віды метафарычнага пераносу з рэферэнцыяй да семантычных сфер “Прадмет / механізм”, “Прырода / жывая істота”, “Прастора” і “Навука”. Ажыццяўляецца супастаўленне разглядаемых мадэлей з адпаведнымі мадэлямі ў англамоўных тэкстах па эканоміцы. Маніфестуецца імкненне эканамічнай метафары да меншай вобразнасці праз выкарыстанне адцягненых паняццяў з мэтай рэалізацыі лінгвапрагматычных установак аўтараў на дакладнасць і аб’ектыўнасць інфармацыі.