27 лістапада 2020 года на філалагічным факультэце БДПУ пройдзе Міжнародная навуковая канферэнцыя «Танкаўскія чытанні». Традыцыйны для нашага ўніверсітэта навуковы форум у гэтым годзе пройдзе ў чарговы, дванаццаты раз, і будзе прысвечаны Году малой радзімы.

У канферэнцыі прымуць удзел каля 120 гуманітарыяў з вышэйшых навучальных устаноў Мінска, Гомеля, Брэста, Гродна, Віцебска, супрацоўнікі Інстытута літаратуразнаўства імя Янкі Купалы і Інстытута мовазнаўства імя Якуба Коласа Нацыянальнай акадэміі навук Беларусі, бібліятэкары. Беларускія даследчыкі, а таксама вядучыя навукоўцы з Расіі, Кітая, Ірака, Украіны і іншых краін збяруцца, каб абмеркаваць актуальныя пытанні літаратуразнаўства, мовазнаўства, прыватных методык і культуралогіі.

Удзельнікі канферэнцыі абмяркуюць наступныя пытанні:
-Творчасць Максіма Танка: нацыянальны, еўрапейскі, сусветны кантэкст;
- Новыя аспекты рэцэпцыі творчасці Максіма Танка;
- Паэтыка твораў Максіма Танка: традыцыі і наватарства;
- Лінгвістычныя аспекты асэнсавання спадчыны Максіма Танка;
- Нацыянальна-культурны, літаратуразнаўчы і лінгвістычны кампаненты сучаснай адукацыйнай прасторы;
- Беларуская і сусветная літаратуры на мяжы тысячагоддзяў: традыцыі і перспектывы;
- Кампаратывістыка як актуальны кірунак сучаснага літаратуразнаўства (з нагоды 65-годдзя з дня нараджэння прафесара Галіны Яўгенаўны Адамовіч).

Канферэнцыя адбудзецца ў дыстанцыйным і завочным фарматах.

Расскажи друзьям: «ХІІ Танкаўскія чытанні» пройдуць у БДПУ