28 верасня 2019 года на аграбяястанцыі «Зялёнае» Мінскага раёна ў трэці раз пройдзе фестываль «Гарбузовы фэст». Для ўдзельнікаў фестывалю арганізатары падрыхтавалі насычаную праграму.

Каманды факультэтаў і інстытутаў прымуць удзел у гульнях і конкурсах спартыўнай накіраванасці «Гарбузовыя забаўкі», прадэманструюць свае творчыя магчымасці ў галіне дэкаратыўна-прыкладнога мастацтва «Восеньскія дзівосы», прыгатуюць ежу з гарбуза і іншай гародніны і садавіны «Восеньскія прысмакі» і возьмуць удзел у танцавальна-вакальным мастацтве «Восень каляровая». Першакурсніцы БДПУ прымуць удзел у конкурсе «Чароўная красуня».

На фестывалі можна будзе пакаштаваць не толькі нацыянальныя, але і «Замежныя пачастункі» ад студэнцаў БДПУ іншых краін, абмяняцца сязоннай прадукцыяй на «Дармарке». Усіх традыцыйна будзе чакаць «Пачастунак ад рэктарата» – смачная каша з гарбуза. Пасля гэтага будзе вазначаны і самы важкі гарбуз.

На працягу ўсяго фестывалю будуць функцыянаваць пляцоўкі рэсурснага цэнтра «Green office», псіхалагічнай гасцёўні «Таямніцы душы», РНПЦ «Кардыялогія» «Пульс восені». Акрамя таго, будуць пляцоўкі эксперыментальная «Надзвычай незвычайна», спартыўная «Дужы, спрытны, трапны», а таксама интэрактыўная зона фатаграфавання.Завершыцца восеньскае свята цырымоніяй узнагароджвання ўдзельнікаў і пераможцаў.

Плануецца, што «Гарбузовы фэст» наведаюць работнікі Міністэрства адукацыі на чале з міністрам Ігарам Васільевічам Карпенка, супрацоўнікі РНПЦ «Кардыялогія» з яго дырэктарам Аляксандрам Генадзевічам Мрочакам.

Фестываль пачнецца а 11 гадзіне па адрасе: п. Зялёнае, Мінскі раён (аграбіястанцыя «Зялёнае», вучэбны корпус № 10 БДПУ).

Расскажи друзьям: Фестываль «Гарбузовы фэст»