Народны  літаратурны тэатр «Жывое слова» БДПУ запрашае ўсіх жадаючых стаць удзельнікам трупы тэатра з 50-гадовай гісторыяй.

Паважаныя студэнты! Калі вы хочаце развіваць свае творчыя здольнасці і быць часткай новага пакалення калектыву, прыходзьце на сустрэчы з кіраўнікамі тэатра «Жывое слова».

− Тым, хто прыйдзе зараз і дойдзе паспяхова да выпуску, магчыма, і 100-годдзе давядзецца сустракаць. Праўда, дзеля гэтага трэба яшчэ 50 год заставацца верным тэатру, − адзначаюць кіраўнікі тэатра Алеся Сівохіна і Алесь Мойскі. Яны абяцаюць: таго, хто прыйдзе, чакае не меней 40 выступленняў з канцэртамі, спектаклямі і літаратурна-музычнымі кампазіцыямі. Давядзецца развучыць не меней 30-ці беларускіх песень, сыграць на сцэне каля дзясятка роляў. Атрымаецца знайсці і сяброў, не менш за 20.

− У нас можна абсалютна бясплатна два разы на тыдзень па аўторках і чацвяргах у 18.30 засвоіць 5 «Р»: навучыцца, як разагрэцца, разартыкулявацца, разрэзаніравацца, раздыхацца і разгаварыцца, − расказала Алеся Сівохіна.

− Вас чакаюць 4 незабыўныя гады весялосці, натхнення, творчасці, каб прыемна бавіць час у добрай кампаніі, − дадаў Алесь Мойскі.

Каб трапіць у калектыў, трэба зрабіць усяго тры рэчы:

• Прыйсці ў 500 аўдыторыю вучэбнага корпуса № 2 і распавесці пра сябе.
• Прачытаць верш цi ўрывак прозы, або праспяваць песню цi станчыць, або паказаць іншы творчы нумар, які падрыхтуеце.
• Адказаць на пытанне: «Што я чакаю ад тэатра?» 

Мерапрыемства будзе праходзіць з 18.30 21 верасня 2017 года  па адрасе: г. Мінск, вул. Савецкая, 18 (аўдыторыя 500, вучэбны корпус № 2). Прыходзьце, спрабуйце свае сілы!

Расскажи друзьям: Идет набор в студенческий творческий коллектив университета