11 кастрычніка 2024 года ў актавай зале БДПУ адбудзецца творчая сустрэча- прэзентацыя “Беларусь – краіна адзінства” мастацкіх кніг дэпутата Палаты прадстаўнікоў Нацыянальнага сходу Рэспублікі Беларусь, заслужанага дзеяча культуры краіны Уладзіміра Мікалаевіча Гаўрыловіча.

У межах мерапрыемства – прэм’ера спектакля “Трыбунал” (паводле А.Я.Макаёнка) у пастаноўцы народнага аматарскага тэатра “Грачы” Гомельскай абласной універсальнай бібліятэкі імя У.І.Леніна. 

Месца правядзення: актавая зал БДПУ (вул.Савецкая, 18).

Пачатак – у 10.30.

ДАВЕДКА

Уладзімір Мікалаевіч Гаўрыловіч – дэпутат Палаты прадстаўнікоў Нацыянальнага сходу Рэспублікі Беларусь, старшыня Гомельскага абласного аддзялення ГА “Саюз пісьменнікаў Беларусі”, сакратар Міжнароднага Саюза пісьменнікаў і майстроў мастацтваў па Рэспубліцы Беларусь, заслужаны дзеяч культуры Беларусі, лаўрэат Нацыянальнай літаратурнай прэміі.

Вядомы айчынны пісьменнік, аўтар больш за 35 кніг прозы, публіцыстыкі, драматургіі, выдатнік друку Беларусі, многія творы перакладзены на рускую, украінскую, нямецкую і англійскую мовы.

Лаўрэат літаратурнай прэміі імя Івана Мележа, тройчы лаўрэат абласнога літаратурнага конкурсу імя Кірылы Тураўскага, Расійскай літаратурнай прэміі памяці Мікалая Мельнікава, Баяна, імя Цютчава і інш. Сярод шматлікіх узнагарод Уладзіміра Мікалаевіча – 3 дзяржаўныя: медалі за педагагічную, грамадскую і творчую дзейнасць, у тым ліку, медаль Францыска Скарыны, узнагароджаны больш чым 30 медалямі, у тым ліку Гогаля, Дастаеўскага, Шукшына, Т.Шаўчэнкі і інш. У 2023 годзе яму прысуджана ганаровае званне “Чалавек года Гомельскай вобласці” з занясеннем на абласную дошку Гонару.

Расскажи друзьям: ТВОРЧАЯ СУСТРЭЧА-ПРЭЗЕНТАЦЫЯ “БЕЛАРУСЬ - КРАІНА АДЗІНСТВА” МАСТАЦКІХ КНІГ У.М.ГАЎРЫЛОВІЧА