WI-FIПадчас семінара слухачы азнаёміліся з паняццямі «інфармацыйныя тэхналогіі» і «медыя» ў сучаснай адукацыйнай прасторы. Вольга Андрэеўна падзялілася ўласнымі прыкладымі выкарыстання камп’ютарных сродкаў: інструментамі Google (прэзентацыі, дакументы, JamBoard), аддаленых сервісамі (анлайн-дошкі, сервісы па стварэнні інтэрактыўных практыкаванняў, анлайн-слоўнікі, анлайн-бібліятэкі і інш.).
В.А. Прыгун засяродзіла ўвагу на тым, што сёння па прычыне глабальнай інфарматызацыі грамадства ўсё часцей уздымаецца пытанне наконт прымянення новых інфармацыйных тэхналогій у навучанні. Зараз патрабуецца чалавек, які ўмее працаваць з вялікай колькасцю інфармацыі, можа добра і хутка арыентавацца ў інфармацыйнай прасторы, хутка перабудоўвацца і перавучвацца. Адпаведна гэтым умовам, узнікае праблема падрыхтоўкі навучэнцаў новага пакалення. Як зрабіць урок медыйным і быць медыйнай асобай у час інфармацыйнай перагрузкі? Вольга Андрэеўна прапанавала пашукаць адказ на гэта пытанне праз выкарыстанне элементаў «медыя» на ўроку. Медыяадукацыя мае на ўвазе ўменне здабываць з крыніц СМІ, іншых каналаў неабходную інфармацыю, вылучаць галоўнае, крытычна ацэньваць яе дакладнасць і якаснасць.
Удзельнікам семінара пазнаёміліся з асноўнымі відамі медыя, жанрамі, «мовай» медыятэкстаў. У практычнай частцы анлайн-сустрэчы ўдзельнікі паспрабавалі на аснове падабранага матэрыялу стварыць уласныя практыкаванні з элементамі «медыя»: пытанні, якія дапамагаюць крытычна думаць і асэнсоваўваць інфармацыю. Упэўнены, што тэма дадзенага семінара актуальна, асабліва ва ўмовах дыстанцыйнага навучага і паўсюднай інфарматызацыі грамадства.
