WI-FIДзяржаўны літаратурна-мемарыяльны музей Якуба Коласа традыцыйна правёў навукова-практычную канферэнцыю “Каласавіны-2023”. Яе ўдзельнікі ўсклалі кветкі да помніка Якуба Коласа на Плошчы імя народнага паэта ў Мінску. Да іх далучыліся і “жываслоўцы”, якія падрыхтавалі літаратурна-музычыную кампазіцыю “Лісты з Новай зямлі”.
Навукоўцы, музейшчыкі, нашчадкі Якуба Коласа і госці музея ўвечары змаглі ўбачыць гэты міні-спектакль, які быў складзены з урыўкаў паэмы, песень на вершы класіка і яго эпісталярнай спадчыны. Кіраўнікі тэатра Алеся Сівохіна і Алесь Мойскі адабралі лісты стогадовай даўніны, якія пясняр пісаў да жонкі Марыі Дзмітрыеўны Міцкевіч, дзе згадваецца гісторыя напісання паэмы “Новая зямля”.
Кампзіцыя прыйшлася даспадобы ўдзельнікам “Каласавін”, і тэатр “Жывое слова” ўжо запрасілі ў мінскую раённую бібліятэку №14 імя Ф.Багуэвіча з праграмай “Лісты з Новай зямлі”, бо там 14 лістапада адбудзецца сустрэча з галоўнай захавальніцай фондаў музея, праўнучкай Якуба Коласа Васілінай Міцкевіч.
