WI-FIУ фестывалі ўдзельнічалі калектывы не толькі з Мінску, але і з іншых гарадоў краіны. Праз песні, танцы, тэатральныя мініяцюры і музыку можна было здзейсніць падарожжа па Арменіі, Ізраілі, Карэі, Кітаі, Польшчы, Расіі, Украіне і інш.
Тэатр «Жывое слова» прэзентаваў мілагучнасць і прыгажосць роднай мовы праз лірычныя вершы, вясёлыя мініяцюры, чароўныя казкі і ўзоры харавога чытання. Акрамя таго, «жываслоўцы» паўдзельнічалі ў майстар-класах і трэнінгах, якімі, як і ў мінулым годзе, парадаваў этналінгвістычны фестываль.
– Гэта вялікі гонар і неверагодная адказнасць на такім фестывалі ў Беларусі прадстаўляць менавіта родную мову. Здаецца, у нас атрымалася праз магію слова перадаць тое, што па-беларуску сёння размаўляць сярод студэнцкай моладзі модна і цікава. Добра, што ёсць такія пляцоўкі, – распавялі кіраўнікі тэатра Алесь Мойскі і Алеся Сівохіна.
