WI-FIВечарыну да 75-годдзя Навума Якаўлевіча зладзілі Саюз пісьменнікаў Беларусі і Белтэлерадыёкампанія. На ёй выступілі з віншавальнымі словамі землякі пісьменніка з Полацка – дэпутаты і музейшчыкі, калегі – генеральны прадзюсар Беларускага радыё Антон Васюкевіч і дырэктар канала “Культура” Беларускага радыё Уладзімір Трапянок, дырэктар тэлеканала “Беларусь 3” Наталля Марынава, а музычныя нумары падрыхтавалі заслкужаны артыст Рэспублікі Беларусь Алег Сямёнаў, Сяргей Кравец, Ірына Глушэц і Віктар Мяцельскі.
Народны літаратурны тэатр “Жывое слова” даўно сябруе з Навумам Гальпяровічам. У маладосці ён ездзіў на гастролі з тэатрам “Жывое слова”, дзе чытаў свае творы са сцэны. А некалькі гадоў таму пісьменнік стаў госцем праекта “Клуб творчых дыялогаў”, дзе адказаў на пытанні студэнтаў пасля літаратурна-музычнай кампазіцыі “Сюжэт для вечнасці” па яго творах, якую падрыхтавалі Алеся Сівохіна і Алесь Мойскі. Урывак з гэтай кампазіцыі паказалі і зараз на юбілейным вечары “Сэлфі з часам”. Пасля яго ўсе імкнуліся зрабіць сэлфі не толькі з Навумам Якаўлевічяам, але і з удзельнікамі тэатра “Жывое слова”.
Сцэнар усёй канцэртнай праграмы “Сэлфі з часам” таксама падрыхтаваў рэжысёрт тэатра Алесь Мойскі, які працуе з Навумам Гальпяровічам над тэлівізійным праектам “Суразмоцы” на “Беларусь 3”. Дарэчы, да 10-годдзя гэтага тэканала на наступны дзень Навум Якаўлевіч быў узнагароджаны міністрам інфармацыі Уладзімірам Пярцовым Ганаровай граматай, а Алесь Мойскі – Падзякай Міністра інфармацыі Рэспублікі Беларусь за высокі прафесіяналізм, добрасумленную працу, узорнае выкананнеслужбовых абавязкаў, асабімсты ўклад у рэалізацыю дзяржаўнай палітыкі ў сферы культуры, правядзенне тэлівізійных эфіраў найважнейшых падзей культурнага жыцця краіны, урачыстых мерапрыемстваў, прысвечаных дзяржаўным святам.
