Новости События Общее

Адбылося пасяджэнне Савета ўніверсітэта

31 мая 2018 года пад кіраўніцтвам рэктара БДПУ Аляксандра Іванавіча Жука адбылося пасяджэнне Савета ўніверсітэта, прысвечанае ходу рэалізацыі Канцэпцыі інфарматызацыі БДПУ ў 2015−2018 гг.

На пасяджэнні прысутнічалі намеснікі дэканаў факультэтаў і намеснікі дырэктараў інстытутаў па вучэбнай рабоце, загадчыкі кафедраў, прадстаўнікі студэнцкага актыву і грамадскіх арганізацый.

З дакладам выступіла начальнік Цэнтра развіцця інфармацыйных тэхналогій Аксана Анатольеўна Мініч. Яна падкрэсліла, што ў рамках выканання мэтавых паказчыкаў Канцэпцыі ў 2015−2018 гадах істотна палепшана матэрыяльна-тэхнічная інфраструктура ўніверсітэта, укаранёны новыя электронныя сэрвісы, базы дадзеных, ліцэнзійнае праграмнае забеспячэнне для распрацоўкі электронных адукацыйных рэсурсаў. Ажыццёўлена аб’яднанне сегментаў лакальна-вылічальнай сеткі ўсіх карпусоў і інтэрнатаў універсітэта з выкарыстаннем валаконна-аптычных ліній перадачы дадзеных з высокай прапускной здольнасцю. Увод у эксплуатацыю пяці новых сервераў рознай магутнасці, а таксама сеткавага абсталявання дазволіў павысіць вылічальную магутнасць на 25%.

У два разы павялічана колькасць кропак Wi-Fi, што дазволіла дасягнуць 50-працэнтнага ахопу бесправадной сеткай вучэбных карпусоў БДПУ і даць студэнтам і выкладчыкам магчымасць выхаду ў інтэрнэт, а таксама доступ да электронных адукацыйных рэсурсаў БДПУ з мабільных прылад. Больш за 270 вучэбных аўдыторый, кабінетаў падключаны да лакальнай вылічальнай сеткі, іх колькасць працягвае павялічвацца.

Мадэрнізацыя сервернага і сеткавага абсталявання, па словах А.А.Мініч, дазволіла істотна палепшыць якасць падключэння да інтэрнэту і забяспечыць правядзенне на пастаяннай аснове розных анлайн-мерапрыемстваў (вебінараў, анлайн-канферэнцый, трансляцый у прамым эфіры). З 2016 г. паспяхова ўкараняецца сістэма анлайн-вяшчання на канале YouTube, дзе праведзена 47 анлайн-трансляцый. У 2018 г. дзякуючы праведзенай працы студэнцкага тэлебачання колькасць падпісчыкаў на канале ў параўнанні з 2015 г. вырасла ў 4,5 разы. У ходзе рэалізацыі праекта па фарміраванні фонду лепшых лекцый вядучых педагогаў БДПУ “Залатая лекцыя БДПУ” зманціраваны 50 лекцый, якія папоўнілі калекцыю відэарэпазіторыя ўніверсітэта. Агульная колькасць дакументаў у рэпазіторыі БДПУ ў 2018 г. склала больш за 30 000 адзінак, што ў 5 разоў перавысіла планавыя паказчыкі.

Павялічана колькасць вучэбных дысцыплін, забяспечаных ЭВМК або дыстанцыйнымі курсамі. Усяго да 2018 г. у СДН Moodle распрацавана каля 450 курсаў, што ў 10 разоў больш у параўнанні з 2015 г.

На працягу трох гадоў паспяхова ўкараняецца сістэма электроннага дакументазвароту «Справа-вэб», што дазволіла да 2018 г. давесці долю электронных дакументаў у агульным ўнутраным дакументазвароце БДПУ да 88% і істотна пераўзысці мэтавыя паказчыкі Канцэпцыі.

Распрацоўка новага інтэрнэт-партала БДПУ, развіццё розных электронных сэрвісаў дазволілі палепшыць пазіцыі ўніверсітэта ў сусветных рэйтынгах (Webometrics − 9 месца сярод ВНУ краіны, UniRank − 7 месца сярод беларускіх ВНУ, RankPro − 298 пазіцыя ў Еўропе).

Інструментам для павышэння рэйтынгу ўніверсітэта з'яўляюцца рэсурсы Wikipedia, профілі ППС факультэтаў і інстытутаў у Google Scholar. Пры гэтым 70% ад усёй колькасці штатных выкладчыкаў маюць свой профіль у Google Scholar, аднак толькі 3% прадстаўлены ў навуковых сацыяльных сетках Wikipedia і Researcher.

Загадчык кафедры геаграфіі і методыкі выкладання геаграфіі факультэта прыродазнаўства Ганна Валянцінаўна Таранчук пазнаёміла членаў савета з вопытам працы кафедры па падрыхтоўцы электронных вучэбна-метадычных комплексаў і дыстанцыйных курсаў. Г.В. Таранчук прапанавала арганізацыю дыстанцыйнага ўзаемадзеяння са студэнтамі і распрацоўку дыстанцыйных курсаў уключыць у нормы разліку гадзін ПВС.

Ксенія Цішэвіч, старшыня мастацкага савета студэнцкага тэлебачання БДПУ, расказала пра рэалізацыю разнастайных творчых і інфармацыйных праектаў у межах «СтудTВ» БДПУ. Яна адзначыла, што студэнцкае тэлебачанне адкрыта для крэатыўных прапаноў, і запрасіла да супрацоўніцтва ўсе факультэты і інстытуты ўніверсітэта.

Падагульняючы выступленні, Аляксандр Іванавіч Жук адзначыў, што асноўнай мэтай інфарматызацыі БДПУ з'яўляецца стварэнне для навучэнцаў роўных магчымасцей атрымання якасных адукацыйных паслуг на ўзроўні сучасных патрабаванняў нацыянальных і міжнародных стандартаў незалежна ад месца пражывання і навучання з выкарыстаннем сучасных ІКТ. На думку рэктара, інфармацыйна-адукацыйнае асяроддзе ўніверсітэта развіваецца дастаткова дынамічна, з улікам сучасных міжнародных тэндэнцый, а рэалізацыя Канцэпцыі інфарматызацыі дае рэальныя вынікі.

Разам з тым рэктар падкрэсліў, што для паўнавартаснага ажыццяўлення Канцэпцыі патрабуецца вырашыць шэраг праблем. Так, неабходна ліквідаваць канцэптуальную, структурную адасобленасць у арганізацыі электроннага навучання ў БДПУ паміж рознымі падраздзяленнямі ўніверсітэта. Назіраецца нізкая загружанасць мультымедыйных аўдыторый і камп’ютарных класаў, адсутнічае адзіная сістэма ўліку і кантролю за іх выкарыстаннем як на ўзроўні факультэтаў, так і на ўзроўні ўніверсітэта. Недастаткова задзейнічаны магчымасці дыстанцыйных адукацыйных тэхналогій для распрацоўкі і рэалізацыі індывідуальных адукацыйных праграм і масавых адукацыйных анлайн-курсаў.

Па выніках абмеркавання пытання была прынята пастанова Савета ўніверсітэта, у якой вызначаны канкрэтныя задачы па далейшым удасканаленні працэсу інфарматызацыі БДПУ. Поўны тэкст пастановы будзе накіраваны ва ўсе структурныя падраздзяленні ўніверсітэта.

Расскажи друзьям: Адбылося пасяджэнне Савета ўніверсітэта

Контакты

Приемная комиссия:

Республика Беларусь, 220030, г. Минск, ул. Советская, 18, каб. 217

+375 (17) 200-94-17

+375 (17) 200-92-04

E-mail: priem@bspu.by


Учебно-методическое управление:

Республика Беларусь, 220030, г. Минск, ул. Советская, 18, каб. 315 (корпус 3)

+375 (17) 327-84-97    

+375 (17) 327-82-06                      

+375 (17) 226-56-25  

+375 (17) 200-71-12                       

E-mail: UMO@bspu.by


Управление воспитательной работы с молодежью:

Республика Беларусь, 220030, г. Минск, ул. Советская, 18, каб. 325, 324 (3 корпус)

+375 (17) 226-40-16

+375 (17) 327-83-67

E-mail: uvrsm@bspu.by


Управление международного сотрудничества:

Республика Беларусь, 220030, г. Минск, ул. Советская, 18, каб. 121, 126, 127 (корпус 1)

тел./факс +375 (17) 226-40-18

+375 (17) 200-21-95

E-mail: dfr@bspu.bybspu.int@gmail.com


Отдел кадров:

Республика Беларусь, 220030, г. Минск, ул. Советская, 18, каб. 321, 323, 231 (корпус 3)

+375 (17) 327-77-54

+375 (17) 226-46-59

+375 (17) 226-56-19

+375 (17) 226-56-27

E-mail: bgpu2011@mail.ru,  stud_ok@bspu.by


Oтдел документационного обеспечения и делопроизводства:

Республика Беларусь, 220030, г. Минск, ул. Советская, 18, каб. 116 (корпус 3)

тел./факс +375 (17) 226-40-24

E-mail: bspu@bspu.by


Пресс-служба БГПУ

Республика Беларусь, 220030, г. Минск, ул. Советская, 18, каб. 120 (корпус 3)

+375 (17) 200-61-43
+375 (29) 700-73-85

E-mail: press.bspu@mail.ru