WI-FIУ пачатку пасяджэння А.І.Жук падкрэсліў, што міжнародная дзейнасць выступае адным з прыярытэтных напрамкаў развіцця БДПУ і разглядаецца ў якасці стратэгічна значнага фактару пашырэння адукацыйнай прасторы ўніверсітэта, актывізацыі навуковых даследаванняў, умацавання міжкультурнага ўзаемадзеяння.
З дакладам выступіў начальнік упраўлення міжнароднага супрацоўніцтва Ігар Уладзіміравіч Козел.
Дакладчык адзначыў, што па стане на 1 снежня 2022 г. БДПУ заключаны 195 дагавораў аб супрацоўніцтве з замежнымі адукацыйнымі і навукова-даследчымі арганізацыямі з 25 дзяржаў блізкага і далёкага замежжа.
Інтэграцыя БДПУ у сусветную навукова-адукацыйную прастору і яго пазіцыянаванне на міжнародным узроўні забяспечваюцца праз рэалізацыю наступных механізмаў: развіццё партнёрства з вядучымі ўніверсітэтамі, навуковымі цэнтрамі і арганізацыямі свету; прыцягненне для навучання замежных студэнтаў; пашырэнне двухбаковай акадэмічнай мабільнасці; удзел у міжнародных даследчых праектах; уступленне ў міжнародныя акадэмічныя саюзы і асацыяцыі, рэзанансныя міжнародныя мерапрыемствы, арганізаваныя на базе ўніверсітэта і з яго ўдзелам.
Развіццё экспарту адукацыйных паслуг – адзін з прыярытэтных напрамкаў дзейнасці ўніверсітэта. БДПУ штогод перавыконвае ўстаноўленыя Міністэрствам адукацыі Рэспублікі Беларусь планавыя паказчыкі.
У БДПУ навучаюцца студэнты з 12 краін свету, аднак асноўнымі экспартнымі рынкамі адукацыйных паслуг універсітэта з’яўляюцца краіны СНД і КНР. Агульная колькасць замежных навучэнцаў універсітэта ў бягучым навучальным годзе (па стане на 1 снежня) складае каля 1179 чалавек.
У рамках заключаных дагавораў БДПУ на І ступені атрымання вышэйшай адукацыі рэалізуюцца сумесныя адукацыйныя праграмы з 4 ВНУ партнёрамі: Лаянскім педагагічным універсітэтам (КНР) – адукацыйная праграма па спецыяльнасці “Музычнае мастацтва, рытміка і харэаграфія”; Хэнаньскім прафесійным інстытутам мастацтваў (КНР) – адукацыйная праграма па спецыяльнасці “Музычнае мастацтва, рытміка і харэаграфія”; Ташкенцкім дзяржаўным педагагічным універсітэтам імя Нізамі – створаны сумесны факультэт інавацыйнай педагогікі, на якім вядзецца падрыхтоўка па спецыяльнасцях “Дашкольная адукацыя”, “Пачатковая адукацыя”, “Лагапедыя”, “Практычная псіхалогія”; Джызакскім дзяржаўным педагагічным універсітэтам імя Кадыры – сумесныя адукацыйныя праграмы па спецыяльнасцях “Лагапедыя”, “Практычная псіхалогія”, “Сацыяльная і псіхолага-педагагічная дапамога”.
Пашыраны пералік спецыяльнасцей, навучанне па якіх вядзецца на замежных мовах. На ІІ ступені адукацыі адкрыты англамоўныя магістарскія праграмы: “Музычнае мастацтва”; “Выяўленчае мастацтва і чарчэнне”, “Адукацыйны менеджмент”, “Агульная педагогіка, гісторыя педагогікі і адукацыі”, “Замежная мова”.
Склаўся ўстойлівы попыт замежных грамадзян на навучанне ў аспірантуры, падрыхтоўка кадраў вышэйшай навуковай кваліфікацыі ў якой па 8 навуковых спецыяльнасцях ажыццяўляецца на англійскай мове, 1 – на нямецкай.
Развіццю экспарту адукацыйных паслуг садзейнічае супрацоўніцтва БДПУ з 13 кампаніямі-пасрэднікамі, якія накіроўваюць у краіну патэнцыйных абітурыентаў, а таксама работа з беларускай дыяспарай за мяжой.
Папулярызацыі адукацыйных паслуг спрыяе актыўная дзейнасць БДПУ ў інфармацыйна-камунікацыйнай прасторы: Youtube-канал універсітэта на працягу апошніх трох гадоў займае 1-е месца сярод беларускіх ВНУ і 123-е месца сярод універсітэтаў свету, уваходзіць у ТОП-200.
Па выніках пасяджэння прынята пастанова Савета ўніверсітэта, поўны тэкст якой будзе накіраваны ва ўсе структурныя падраздзяленні.
