WI-FIЗ інфармацыяй “Аб арганізацыі выхаваўчай і ідэалагічнай работы на факультэце фізічнага выхавання” выступіў дэкан факультэта фізічнага выхавання Кірыл Юр’евіч Раманаў. Дакладчык адзначыў, што на факультэце праводзіцца паслядоўная работа па ўсіх напрамках дзяржаўнай маладзёжнай палітыкі.
У арганізацыі выхаваўчай работы пад кіраўніцтвам дэканата задзейнічаны прафесарска-выкладчыцкі склад, маладзёжныя грамадскія арганізацыі і органы студэнцкага самакіравання. Асаблівая роля ў індывідуальнай рабоце са студэнтамі адводзіцца куратарам вучэбных груп. У гэтым годзе на факультэце працуюць 23 куратары 1–4 курсаў.
Адным з прыярытэтных напрамкаў выхаваўчай дзейнасці з’яўляецца ідэалагічнае і грамадзянска-патрыятычнае выхаванне. Рэгулярна праводзяцца адзіныя дні інфармавання, дыялогавыя пляцоўкі.
Факультэт штогод прымае ўдзел у інтэрнацыянальных “Зорных паходах” па месцах баявой і працоўнай славы беларускага народа. За апошнія 3 гады атрад “Ёсць кантакт!” наведаў г. Жодзіна, Дзяржынскі і Навагрудскі раёны.
На факультэце рэалізуецца грамадзянска-патрыятычны праект “Беларускія спартсмены – патрыёты малой радзімы”, спартыўна-адукацыйны праект “Беларусіяда” з удзелам студэнтаў малодшых курсаў і школьнікаў.
У рамках грамадзянска-патрыятычнага праекта “Захоўваем гістарычную памяць у імя будучыні” ўсе студэнты 1 курса наведалі Дзяржаўны мемарыяльны комплекс “Хатынь”, звыш 400 навучэнцаў пабывалі ў музеях і на экскурсіях.
Студэнты факультэта актыўна ўдзельнічаюць ва ўніверсітэцкіх культурна-масавых мерапрыемствах і праектах (“Вялікая сцэна БДПУ”, “Міс БДПУ”, “Містэр БДПУ”, “БДПУ: ты ў танцах!”, трыб’ют-шоў “Адзін у адзін”, інтэлектуальна-забаўляльны квэст для першакурснікаў “Шляхам вагантаў”, серыя інтэлектуальных гульняў “Мудрая сава” і інш.), дзе неаднаразова станавіліся лаўрэатамі і пераможцамі.
На факультэце функцыянуюць 3 клубныя фарміраванні: танцавальны калектыў “Fifa”, каманда КВЗ “Sidis”, валанцёрскі атрад “Падары ўсмешку”, які супрацоўнічае з ДУ “Псіханеўралагічны дом-інтэрнат для састарэлых і інвалідаў №1”. Актыўна развіваецца спартыўнае валанцёрства.
Студэнты факультэта штогод прымаюць удзел у круглагадовай спартакіядзе БДПУ па ўсіх відах спорту. Факультэт паспяхова прадстаўляе ўніверсітэт на спартыўна-масавых мерапрыемствах рознага ўзроўню. За апошнія два гады члены зборнай БДПУ па дзюдо і самба сталі пераможцамі і прызёрамі больш за 10 найбуйнейшых спаборніцтваў.
Асаблівая функцыя ў выхаваўчай рабоце адводзіцца маладзёжным грамадскім арганізацыям і органам студэнцкага самакіравання. Прафбюро факультэта займаецца сацыяльнай падтрымкай студэнтаў і рашэннем жыллёва-бытавых пытанняў і аздараўленнем, а таксама арганізацыяй культурна-масавых мерапрыемстваў у інтэрнатах. Студэнцкі савет факультэта традыцыйна з’яўляецца ініцыятарам і арганізатарам шэрага мерапрыемстваў спартыўнага, культурна-масавага, прафарыентацыйнага характару.
Віялета Кудраўцава, студэнтка 4 курса факультэта фізічнага выхавання, паведаміла пра ўмовы, якія створаны на факультэце для раскрыцця творчага патэнцыялу студэнцкай моладзі. Віялета расказала пра асабісты вопыт удзелу ў “Зорных паходах”, дзейнасці валанцёрскага клуба “Падары ўсмешку”, шматлікіх творчых праектах, універсітэцкіх конкурсах і арганізацыі прафарыентацыйнай работы.
Па выніках пасяджэння было прынята некалькі важных рашэнняў. Поўны тэкст пастановы Савета БДПУ будзе накіраваны ва ўсе структурныя падраздзяленні ўніверсітэта.
