WI-FIЗ дакладам «Аб выніках унутраных аўдытаў СМЯ і анкетавання знешніх і ўнутраных спажыўцоў» выступіў прарэктар па вучэбнай рабоце Аляксандр Васільевіч Макоўчык. У сваім выступленні А.В. Макоўчык адзначыў, што ўнутраныя аўдыты і анкетаванне знешніх і ўнутраных спажыўцоў былі праведзены ў адпаведнасці з праграмай аўдытаў на 2017/2018 навучальны год і стандартам сістэмы менеджменту якасці БДПУ «Маркетынг і ўзаемадзеянне са спажыўцамі і зацікаўленымі бакамі». У працэсе правядзення 55 унутраных аўдытаў выяўлены 6 неадпаведнасцей, якія былі ліквідаваны ў тэрміны, вызначаныя планамі карэктуючых дзеянняў.
У 2017/2018 навучальным годзе анкетаванне спажыўцоў адукацыйных паслуг (студэнтаў, маладых спецыялістаў, працадаўцаў) праводзілася па анкетах стандарта «Маркетынг і ўзаемадзеянне са спажыўцамі і зацікаўленымі бакамі». Канкрэтызацыя пытанняў анкет дазволіла дэталёва прааналізаваць узровень прафесійнай падрыхтоўкі маладых спецыялістаў (выпускнікоў універсітэта). Сярэдні паказчык задаволенасці працадаўцаў узроўнем прафесійнай падрыхтоўкі маладых спецыялістаў (выпускнікоў БДПУ) склаў 86,7 % (планавае значэнне – 86,5 %).
Аналіз вынікаў апытання галоўнага спажыўца адукацыйных паслуг паказаў, што ў цэлым студэнты задаволены якасцю адукацыйных паслуг; сярэдні паказчык задаволенасці – 86,8 % (планавае значэнне – 86 %), пры гэтым сярэдні паказчык іх задаволенасці якасцю прадстаўленых паслуг склаў 83,9 %, выкладання вучэбных дысцыплін – 89 %, а сярэдні паказчык задаволенасці якасцю правядзення педагагічных практык – 87,5 %.
У той жа час, па меркаванні А.В. Макоўчыка, неабходна ўзмацніць падрыхтоўку студэнтаў па фарміраванні навыкаў падрыхтоўкі навучэнцаў да прадметных алімпіяд і ажыццяўлення даследчай дзейнасці.
Падводзячы вынікі абмеркавання пытання, старшыня Савета БДПУ А.І. Жук адзначыў, што інстытутам і факультэтам, паказчыкі СМЯ па якіх ніжэйшыя за сярэднія па ўніверсітэце, неабходна ўсебакова прааналізаваць іх прычыны і распрацаваць сістэму мерапрыемстваў па павышэнні задаволенасці знешніх і ўнутраных спажыўцоў.
Па выніках абмеркавання пытання была прынята пастанова Савета ўніверсітэта, у якой вызначаны канкрэтныя задачы па далейшым удасканаленні працэсу інфарматызацыі БДПУ. Поўны тэкст пастановы будзе накіраваны ва ўсе структурныя падраздзяленні ўніверсітэта.
У сваім дакладзе А.І. Жук пазнаёміў прысутных з аргументаванымі заўвагамі і прапановамі па выніках разгляду ў БДПУ праекта «Канцэпцыі аптымізацыі, структуры і аб’ёму сацыяльна-гуманітарных дысцыплін ва ўстановах адукацыі».
Таксама на пасяджэнні быў аднагалосна прыняты план работы Савета БДПУ на наступны навучальны год.
