WI-FI.jpg)
В.В. Мартынава скончыла гістарычны факультэт Мінскага дзяржаўнага педагагічнага інстытута імя А.М. Горкага (зараз – БДПУ), пасля аспірантуру БДУ. Абараніла кандыдацкую дысертацыю на тэму «Фарміраванне грамадзянскасці падлеткаў у працэсе засваення сацыяльных роляў».
У БДПУ працуе з 1998 года. Была загадчыкам кафедры сацыяльнай педагогікі, намеснікам дэкана факультэта сацыяльна-педагагічных тэхналогій. У 2015 годзе ўзначаліла гэты факультэт.
В.В. Мартынава стаяла ля вытокаў развіцця сацыяльна-педагагічнай навукі ў Беларусі. З’яўляецца складальнікам сямі тыпавых вучэбных праграм па сацыяльна-педагагічных дысцыплінах для ўстаноў вышэйшай адукацыі, якія ажыццяўляюць падрыхтоўку сацыяльных педагогаў і сацыяльных работнікаў.
Падчас работы Веры Васільеўны ў якасці дэкана на факультэце адкрыта новая спецыяльнасць “Сацыяльная і псіхолага-педагагічная дапамога”, асвоены новыя базы вучэбных і вытворчых практык, у кафедраў факультэта з’явіліся чатыры новыя філіялы.
В.В. Мартынава выконвае вялікую навуковую працу. Яна ажыццяўляла кіраўніцтва навуковымі праектамі ў межах прэзідэнцкай праграмы «Дзеці Беларусі», Нацыянальнай праграмы дэмаграфічнай бяспекі Рэспублікі Беларусь на 2011-2015 гады, двума рэспубліканскімі эксперыментальнымі праектамі па сацыяльна-педагагічнай дзейнасці. З’яўляецца кіраўніком навуковых праектаў па грантах Міністэрства адукацыі Рэспублікі Беларусь. Пад яе кіраўніцтвам створаны Рэсурсны цэнтр сацыяльна-педагагічных тэхналогій.
Пры непасрэдным удзеле Веры Васільеўны распрацаваны і рэалізуецца сацыяльна-адукацыйны праект «Здаровая сям’я – здаровая нацыя» сумесна з Беларускім саюзам жанчын.
В.В. Мартынава займаецца грамадскай дзейнасцю. Яна член прэзідыума Навукова-метадычнага савета пры Міністэрстве адукацыі Рэспублікі Беларусь па дашкольнай, агульнай сярэдняй, спецыяльнай адукацыі, сацыяльнай і выхаваўчай рабоце, член Савета БДПУ.
Віншуем Веру Васільеўну з узнагародай! Жадаем ёй далейшых поспехаў на прафесійным шляху!
