WI-FI– Фестываль праходзіў у пяты раз у маляўнічым месцы – гарадскім парку з відам на возера. Для выступу на галоўнай сцэне калектыў падрыхтаваў канцэртную праграму, складзеную з танцавальных і вакальных нумароў, інструментальных кампазіцый. І хоць надвор’е ўнесла свае карэктывы: пайшоў спорны дождж, але гэта ніколькі не папсавала настрой удзельнікаў. Яны адзначылі, што такого ў іх «культурнай біяграфіі» яшчэ не было: пад адкрытым небам і пад парасонамі, – расказала начальнік цэнтра студэнцкай творчасці Алена Віктараўна Жураўская. Па яе словах, удзельнікі ансамбля «Рэй» ужо бралі ўдзел у такім фестывалі чатыры гады таму.
Пад час мерапрыемства працавалі пляцоўкі, разлічаныя на розную ўзроставую аўдыторыю і густы: «Дзіцячы пагорак» (інтэрактыўныя гульні для дзетак), «Танцавальная лагчына» (майстар-класы па беларускай песне і побытавых танцах), «Кулінарны востраў» (майстар-класы і дэгустацыя страў народнай кухні ад беларускіх аграсядзіб, вясковых падворкаў, кулінараў), «Даліна майстроў» (выстава і продаж вырабаў народных промыслаў з прыродных матэрыялаў), «Магічны яр» (прэзентацыя традыцый і павер’яў нашых продкаў), «Турыстычнае ўзбярэжжа» (знаёмства з цікавымі магчымасцямі адпачынку).
У міжнародным фестывалі міфалогіі «У госці да Лепельскага Цмока» удзельнічалі музычныя і танцавальныя калектывы з Беларусі, Расіі, Эстоніі: гурт аўтэнтычнай песні «Крывічы» г. Іркуцка, калектыў эстонскага народнага танца «Paikeseratas» (г. Нарва), фолк-гурт традыцыйнага мужчынскага спеву «Рада» (г. Мінск), музычны гурт аўтарскай песні ў спалучэнні электронных і акустычных інструментаў «Harotnica mix» (г. Мінск) і інш.
