WI-FI– Сімвалічна, што мы нарадзіліся з Янкам Маўрам у адзін дзень – 10 мая. Яго асоба мяне заўсёды вельмі ўражвала, таму я з ахвотай прыняў удзел у конкурсе. Я пішу ўсё жыццё і заўжды хацелася стварыць што-небудзь для дзяцей, – распавёў уладальнік дыплома І ступені А. Мойскі.
Па словах Алеся, п’еса «Новыя палескія рабінзоны» расказвае пра дзяцей, на якіх не звяртаюць ўвагі бацькі, якія прадастаўлены самі сабе. Вакол іх фантазійны свет, поўны дзівосных прыгод, але і небяспечных сітуацый. Гэты твор надзвычай актуальны, калі ўлічыць, што дзеці ўсё часцей сыходзяць з дому, губляюцца, а бацькі, якім няма часу на малых, пасля шукаюць іх.
Даведачна:
Літаратурны конкурс «Дэбют» штогод праводзіць адміністрацыя Першамайскага раёна г. Мінска. Удзельнічаць у конкурсе могуць як школьнікі, студэнты, так і дарослыя, для якіх існуюць асобныя намінацыі. Тэматыка сёлетняга конкурсу была прысвечана 135-годдзю з дня нараджэння Янкі Маўра, які беларусы будуць адзначаць вясной 2018 года. Янка Маўр быў адным з пачынальнікаў дзіцячай беларускай літаратуры, аўтарам першай навукова-фантастычнай аповесці ў Беларусі. Меў педагагічную адукацыю.
