WI-FIМерапрыемства адкрыла першы прарэктар Святлана Іванаўна Копцева, якая павіншавала студэнтаў з Днём роднай мовы і пажадала ўдзельнікам поспехаў.
З прывітальным словам выступіла загадчык кафедры беларускай і замежнай літаратуры Ірына Мікалаеўна Мішчанчук, якая падкрэсліла значнасць роднай мовы ў жыцці кожнага чалавека.
Тэкст для дыктанта быў падрыхтаваны супрацоўнікамі кафедры мовазнаўства і лінгвадыдактыкі. Асновай для яго сталі ўспаміны класіка беларускай літаратуры Івана Мележа, якія ён прысвяціў сваёй першай настаўніцы. Тэкст дыктанта прачытала дацэнт кафедры мовазнаўства і лінгвадыдактыкі Вольга Валянцінаўна Урбан.
Як паказала практыка падобных акцый у БДПУ, маладыя людзі не проста пішуць дыктант, а актыўна ўдзельнічаюць у свяце. Яны з захапленнем адгукаюцца на магчымасць паглыбіцца ў мову. А для замежных студэнтаў гэта яшчэ і спосаб пазнаёміцца з культурай нашай краіны. Традыцыйна такія мерапрыемствы выклікаюць сапраўдную цікавасць і жаданне паспрабаваць свае сілы.
