WI-FIМаладыя паэты, прадстаўнікі народнага літаратурнага тэатра “Жывое слова”, сталыя творцы (Мікола Шабовіч, Дзмітрый Пятровіч, Андрэй Зыгмантовіч, Ганна Мартынчык) прынялі ўдзел у мерапрыемстве. Далучыліся да святла паэзіі і намеснік дэкана філалагічнага факультэта па выхаваўчай працы Святлана Анатольеўна Сычова і каардынатар студэнцкага савета інтэрнатаў БДПУ Уладзіслаў Жаўняровіч.
А тыдзень таму, 21 сакавіка, у Беларусі адзначаўся Сусветны дзень паэзіі. Не пакінулі без увагі гэты дзень і студэнты БДПУ, што пражываюць у інтэрнаце № 1, якія чыталі вершы беларускіх паэтаў і інш.
Для ỳсіх прысутных была прапанавана гульня. Вылучылі тры каманды, якім далі тэматычныя назвы: “Коласаўцы”, “Купалаўцы”, “Танкаўцы”. Каб выявіць лепшую каманду, былі праведзены 4 конкурсы. Падчас першага з іх удзельнікам было неабходна скласці з частак суцэльны верш і зачытаць яго. Другі этап патрабаваў напісання “слоўнікавага малюнка” пра Беларусь. Ужо пасля гэтага конкурсу выявілася каманда-лідар. Каб успомніць выдатных беларускіх паэтаў, вырашана было праверыць, як студэнты ведаюць іх біяграфіі і творчасць. Гэта і стала зместам наступнага конкурсу. Таксама арганізатарамі для папулярызацыі беларускай мовы было прапанавана заданне па перакладу з рускай на беларускую мову. Вечар завяршыўся конкурсам “Чытаем па-беларуску” з музычнымі застаўкамі (песня пад гітару) і інсцэніроўкай (“Колас – мастак…”).
На працягу ўсяго мерапрыемства дзейнічала кампетэнтнае журы, сфарміраванае са студэнтаў інтэрната. Яно і падвяло вынікі дадзенай гульні. Перамагла каманда “Купалаўцаў”. Аднак салодкія падарункі і невялікія сувеніры (маленькія кніжачкі “Беларускія радкі”, зробленыя рукамi студентаỳ гiстарычнага факультэта) атрымалі ўсе удзельнікі гульні.
Таксама святочныя мерапрыемствы прайшлі ў інтэрнатах № 4 і № 7. Адказы на цікавыя пытанні шукалі студэнты інтэрната № 7 у віктарыны "Души прекрасные порывы", успаміналі свае любімыя школьныя вершы. Усе ўдзельнікі віктарыны атрымалі падарункі.
