WI-FI500-ую аўдыторыю наведалі выпускнікі розных гадоў, якія пазналі сябе ў ролях, якія перадалі ў свой час новаму пакаленню «жываслоўцаў». Іх уразілі новыя кампазіцыі і прыём харавога чытання, бо такога ў тэатры даўно не рабілі, ды і ўвогуле сёння ніхто не чытае са сцэны хорам сярод аматарскіх калектываў горада.
«Жывое слова» прапанавала гледачам пагартаць старонкі кнігі, ілюстрацыямі якой сталі мініяцюры, песні, вершы і маналогі ў выкананні студэнтаў самых розных навучальных устаноў. У новым сезоне ў тэатры займаюцца студэнты МДЛУ, Інстытута журналістыкі БДУ, самых розных факультэтаў і інстытутаў БДПУ: філалагічнага і фізіка-матэматычнага факультэтаў, факультэтаў пачатковай адукацыі, сацыяльна-педагагічных тэхналогій і прыродазнаўства, Інстытутаў інклюзіўнай адукацыі і псіхалогіі.
«Уваход на канцэртную праграму быў вольны. Падчас канцэрта мы запрасілі студэнтаў-гледачоў займацца ў наш тэатр, бо дзверы ў нас заўсёды адчынены для новых выканаўцаў розных роляў», – расказала мастацкі кіраўнік тэатра «Жывое слова» Алеся Сівохіна.
Пасля вытуплення прадстаўнікі Дзяржаўнага літаратурнага музея, уражаныя харавым чытаннем, запрасілі тэатр «Жывое слова» прыняць удзел у вечарыне, прысвечанай творчасці выпускніка педагагічнага інстытута Сяргея Грахоўскага і іншых пісьменнікаў, рэпрэсаваных 80 гадоў таму. Маладыя артысты з ахвотай пачалі рыхтаваць праграму па творчасці гэтых аўтараў.
«Хацелася б, каб студэнты разгортвалі кнігі і чыталі іх, дэкламавалі са сцэны не толькі ў юбілейныя даты, а кожны дзень. Няхай да наступнага юбілею Янкі Купалы і Якуба Коласа яшчэ пяць гадоў, але гэта не шкодзіць нам узгадваць пра іх спадчыну і творы іншых беларускіх пісьменнікаў кожны дзень», – дадаў рэжысёр тэатра Алесь Мойскі.
